كاينين بزاف ديال الناس كيفتحو الحساب، ولا كياخدو الكريدي وكيسينيو بلا مايقراو شنو مكتوب فالأوراق وكايدوز شهر ولا شهرين وكايتفاجؤو باقتطاعات كثيرة مكانتش فالبال ولا مصاريف إضافية على الكريدي.
مثلا كتسمع قرض بدون فوائد على السيارات وملي كتسيني على العقد ديالك ونتا فرحان وكتخلّص الطريطات بالشكل لي نتا متوقع وفاش كتسالي الكريدي ديالك وكتطلب وثيقة رفع اليد (la main levée) كتفاجأ أنك ملزم تدفع ليهم واحد المبلغ محدد سلفا فالعقد واللي كيتخلّص إما فبداية القرض ولا فنهايته، و لي سميتو القيمة المتبقية (la valeur résiduelle). هاد المبلغ لي ممكن يوصل حتى ل 20000 درهم..
لذلك كنصحكم تقراو العقود ديالكم، راه مايخدش منكم بزاف ديال الوقت باش تربحو راحتكم و تتفاداو بزاف ديال المشاكل و إلا معجباتكمش شي حاجة تتراجعو على القرار ديالكم قبل متصيدو .
المشاركات
ليست هناك تعليقات:
إرسال تعليق