حادثة الشغل
في حالة لا قدر الله اوقعت ليك حادثة شغل اشنو دير، كثير من اﻷجراء ماكيعرفو آش اديرو وكايمشو ضحية
1. ماتحرك من مقر العمل او مكان الحادثة الا بمرافقة الممثل القانوني للشركة او من ينوب عنه، ﻷنه هو غايديك لكلينيك لي تابع لشركة التأمين لي هو منخرط فيها
2. غادي افحصوك و يعطوك شهادة طبية في حالة كانت الحادثة كتتطلب مدة من الراحة.
3. احتفظ بالنسخة ديالك من الشهادة الطبية وقل للمشغل يصرح بالحادث لشركة تأمينه وللمدير الإقليمي للتشغيل قبل مادوز خمسة أيام ﻷنه من بعد خمسة أيام التصريح مرفوض ولن تستفيد من التعويض.
4. وإذا كان المشغل غير مؤمن على الحوادث التي تقع لعماله فيتعين عليك رفع الدعوى أمام المحكمة المختصة.
5. غادي اعطيك الطبيب موعد تاني للفحص وفي حالة ما تطلب اﻷمر مدة أخرى من الراحة فهو غادي اعطيك شهادة طبية أخرى مع العلم أنك غادير كونتر فيزيت عند الطبيب ديال شركة التأمين كل مرة غاتمدد المدة ديال الراحة وهو غايكاشي نفس الشهادة الطبية.
6. ديك الشهادة التانية سلمها للمشغل ديالك و قوليه اديها لشركة التأمين وهكذا دواليك حتى اعطيك طبيب شهادة الشفاء اللي من بعد التاريخ ديالها يمكن ليك تباشر العمل ديالك وماتنساش حتا هي تسلمها للمشغل و قوليه اياخدها لشركة التأمين.
7. بقا ديما تسول على ضوسي ديالك فين وصل عند شركة التأمين واحتفظ بنسخة من الشواهد الطبية إلى حين توصلك بالشيك من طرف شركة التأمين.
المشاركات
ليست هناك تعليقات:
إرسال تعليق