ضرروري تعرف هادشي
شحال من واحد كيتعرض للضرب والجرح ومكيعرفش كيفاش يتصرف أو كيرتكب شي خطأ وكيولي فموقف ضعف.
اوا اسيدي أجي تفهم أشنوووو لي خاص يدار فهد الحالة؟؟؟
أولا: توجه مباشرة لأقرب مركز الشرطة ودير شكاية بالشخص لي تعدى عليك وتطلب من لبوليسي يدير ليك محضر فالحال وعنداك تعطل حيت التعطال ماشي فصالحك.
ثانيا: تأكد من أن المحضر فيه مجموعة من المعلومات الضرورية لي من بينها الشخص لي ضربك والوقت والمكان والوسيلة لي ضربك بهاو الشهود وزيد وزيد.
وماتنساش دير واحد القضية مهمة بزااف : قول لبوليسي يدير فالمحضر وصف لجميع أماكن الضرب والجرح لي فلجسم ديالك راه هد المسألة غادي تنفعك بزااف قدام المحكمة.
ثالثا : مباشرة من بعد ماتسالي من عند لبوليس سير عند الطبييب باش يفحصك ويعطيك شهادة طبية وعنداك تبقى تال غدا عاد تمشي عندو.
ولي مهم فهد الشهادة الطبية 2 حوايج :
1- خاصها تكون نهائية بمعنى أنها لاتحتاج لشي فحص أو اجراء طبي اخر يتبث الضرر لي تعرضتي ليه.
2- الكلام لي كاين فالمحضر هو لي خاصو يكون فالشهادة الطبية.يعني الى قلتي لبوليسي راه ضربني راسي والطبيب كاتب عندك جرح فاليد او الرجل أو غيرو غادي يتقلب عليك المتهم وتولي نادم.
ومن بعد ما تاخد الشهادة الطبيةطير لعند لبوليس ودفعها ليهم وخود رقم المحضر ديالك وسول فيه عند وكيل الملك ديال المحكمة لي تابعا ليكم.
ونزيدك واحد السر مهم غادي ينفعك كثر من لقياس.وهو الى حاول المتهم يدير معاك الصلح سجل لكلام ديالو أو صورو أو حضر شهود ودفعها لوكيل الملك حيت هد المحاولة ديال الصلح هي دليل بأنه هو المجرم لي تعدى عليك.
هدا الكلام ضروري تعرفوه و أي خطأ منك يخلي لمجرم يتقلب عليك وتولي نت لي ظالم.
المشاركات
ليست هناك تعليقات:
إرسال تعليق